الأخبــار


تجارب أداء BATTLE OF THE WHEELS النهائية مستنياك
21-3-2017
شايف نفسك صايع في السواقة واللعب بالعربية؟ عايز تتعلم وتنقل نفسك للمستوى الأعلى وتبقى محترف؟ جهز نفسك لتجارب أداء Batte Of The Wheels النهائية الشهر الجاي
كله يعمل حسابه ويجهز نفسه علشان يعيش الرياضة والحماس والإثارة مع انطلاقة مسابقة Battle Of The Wheels، المسابقة اللي بتدوّر على بطل مصر اللي جاي في مجال رياضة السيارات، بس العربيات هنا وقودها هيبقى الأدرينالين بدل البنزين.
المسابقة هتنطلق الأول بتجارب الأداء الأخيرة والأهم أيام 6 و7 و8 أبريل في فندق تيوليب في القاهرة. الويك إند اللي فات (رامي سري) خد عربيته وطلع يتحدى أقوى السواقين في إسكندرية علشان يحمسهم يشتركوا في تجارب أداء Battle Of The Wheels.
لأول مرة في مصر؛ Battle Of The Wheels هتعمل تجارب أداء للسواقين قدام لجنة حكام على حلبة سباق معمولة مخصوص للمناسبة دي وهتكون تفاعلية بتقنيات عالية جدًا ومعايير وإجراءات أمان عالية جدًا، الحلبة هتخلي الجمهور فعلاً يحس بكل حاجة بتحصل فيها وإنهم يكونوا جزء من كل مرحلة من مراحل السباق. لو المتسابق حضر بعربية تصميمها حلو ومهتم بيها من غير خدوش، لابس بدلة السباق بتاعته وفريقه لابسين زي موحد والخيمة كويسة وفيها كل اللي ممكن يحتاجوه؛ هياخد نقط زيادة قبل ما يعمل أي حاجة كنوع من تقدير المشهد الاحترافي اللي جه بيه، واللي بيعبر عن هدف المسابقة وهو الارتقاء بمجال رياضة السيارات في مصر.
Copyright © 2017 Battle Of The Wheels. All Rights Reserved