الأخبــار


رامي سرّي يقود أول مسابقة BATTLE OF THE WHEELS في مصر
2-3-2017
مسابقة Battle of the Wheels بيقدمهالنا نفس الفريق اللي قدملنا Battle of the Burgers و Battle of the bands، بس السنة دي بيدوّروا على "Vin Diesel" جديد يتصدر مشهد السرعة والعربيات والسواقة بشكل عام في مصر.
بدأ فريق KULT رحلة بحثه عن "Vin Diesel" جديد عن طريق مسابقة "Battle of the Wheels"، هيبقى تحدي فيه كل حاجة تخص السواقة، والمسابقة هتتعمل في كذا مدينة في أنحاء جمهورية مصر العربية.
دلوقتي بندعو كل واحد إنه يدوّر عربيته ويجهز نفسه علشان المعركة هتبقى قوية جدًا وفي 5 مدن محتلفة لمدة 6 أسابيع، من ضمن المدن دي: القاهرة، الإسكندرية، المنصورة. الموضوع مش هيبقى مجرد سباق عادي كدة، المسابقة دي هيبقى فيه تجارب أداء في كذا حاجة، زي الوقت القياسي في جولات معينة، واختبارات في حلبات رياضية واختبارات Drifting واختبارات Gymkhana. في اختبارات الأداء دي هيطّلب من كل مشترك إنه يأدي في واحد من أنواع السباقات المذكورة قصاد أعلى 10 متسابقين وينتقل للمرحلة اللي بعدها.
المسابقة هيكون ضمن لجنة تحكيمها والواجهة الإعلامية والجماهيرية ليها (رامي سرّي)، وهو مش بس أول حد يكسب مسابقة ريدبُل الشهيرة، لكن كمان هو قدر يكون أول شخص في الشرق الأوسط وشمال أفريقيا ياخد رخصة Formula Drifting للاشتراك في بطولة الولايات المتحدة. وعبّر بطل السواقة الأسطوري عن حماسه لدورة في The Battle of the Wheels وبيقول "أنا كان نفسي فعلاً أرد الجميل للمجتمع واأاقي أخيرًا طريقة أقدم بيها فرص وأمهد الطريق للي عندهم موهبة إنهم ينجحوا في الرياضات اللي تتعلق بالعربيات والسباقات في مصر".
Copyright © 2017 Battle Of The Wheels. All Rights Reserved